തെ​ര​ഞ്ഞെ​ടു​പ്പ് ഡ്യൂ​ട്ടി ചെ​യ്ത ആ​ശാ വ​ർ​ക്ക​ർ​മാ​ർ​ക്കു വേ​ത​നം ല​ഭി​ച്ചി​ല്ലെ​ന്നു പ​രാ​തി; വേതനം നല്‍കേണ്ട വില്ലേജ് ഓഫിസര്‍ പറഞ്ഞത് ഇങ്ങനെ…

അ​ന്തി​ക്കാ​ട്: തെ​ര​ഞ്ഞെ​ടു​പ്പ് ഡ്യൂ​ട്ടി ചെ​യ്ത ആ​ശാവ​ർ​ക്ക​ർ​മാ​ർ​ക്കു വേ​ത​നം ല​ഭി​ച്ചി​ല്ലെ​ന്നു പ​രാ​തി.

പ​ടി​യം വി​ല്ലേ​ജ് ഓ​ഫി​സ് പ​രി​ധി​യ​ൽ​പ്പെ​ട്ട മാ​ങ്ങാ​ട്ടു​ക​ര എ​യു​പി സ്കൂ​ൾ, മാ​ങ്ങാ​ട്ടു​ക​ര ശ്രീ​സാ​യ് സ്കൂ​ൾ എ​ന്നീ പോ​ളിം​ഗ് സ്റ്റേ​ഷ​നു​ക​ളി​ൽ ഡ്യൂ​ട്ടി ചെ​യ്ത ആ​ശ വ​ർ​ക്ക​ർ​മാ​രാ​ണു വേ​ത​നം ല​ഭി​ച്ചി​ല്ലെ​ന്ന പ​രാ​തി​യു​മാ​യി രം​ഗ​ത്തെ​ത്തി​യ​ത്.

ആ​റു​പേ​രെ​യാ​ണ് ഇ​വി​ടെ ഡ്യൂ​ട്ടി​ക്കു നി​യ​മി​ച്ച​ത്. പ​ടി​യം വി​ല്ലേ​ജ് ഓ​ഫീ​സ​റു​ടെ അ​നാ​സ്ഥ​യാ​ണു വേ​ത​നം ല​ഭി​ക്കാ​ത്ത​തി​നു കാ​ര​ണ​മാ​യ​തെ​ന്ന് ഇ​വ​ർ ആ​രോ​പി​ച്ചു.

തെ​ര​ഞ്ഞെ​ടു​പ്പു വേ​ത​നം ന​ൽ​കേ​ണ്ട​തു വി​ല്ലേ​ജ് ഓ​ഫി​സ​റാ​ണ്. തെ​ര​ഞ്ഞെ​ടു​പ്പു ദി​വ​സം രാ​വി​ലെ ആ​റി​ന് ഇ​വ​ർ ഡ്യൂ​ട്ടി​ക്കെ​ത്തി. രാ​ത്രി ഒ​ന്പ​തു വ​രെ ഇ​വ​ർ പോ​ളിം​ഗ് സ്റ്റേ​ഷ​നു​ക​ളി​ൽ വി​ല്ലേ​ജ് ഓ​ഫീ​സ​റെ​യും കാ​ത്തി​രു​ന്നു.

എ​ന്നാ​ൽ, ഒ​ന്പ​തു മ​ണി​യാ​യി​ട്ടും വി​ല്ലേ​ജ് ഓ​ഫീ​സ​ർ എ​ത്താ​ത്ത​തി​നെ തു​ട​ർ​ന്ന് ഇ​വ​ർ പ​ഞ്ചാ​യ​ത്ത് പ്ര​സി​ഡ​ന്‍റി​നെ വി​വ​ര​മ​റി​യി​ച്ചു. പ്ര​സി​ഡ​ന്‍റ് വി​ല്ലേ​ജ് ഓ​ഫീ​സ​റു​മാ​യി സം​സാ​രി​ക്കു​ക​യും അ​ടു​ത്ത ദി​വ​സം പ​ണം ന​ൽ​കാ​മെ​ന്നു പ​റ​യു​ക​യും ചെ​യ്തു.

എ​ന്നാ​ൽ, പി​റ്റേ ദി​വ​സം വേ​ത​ന​ത്തി​നാ​യ ആ​ശാ വ​ർ​ക്ക​ർ​മാ​ർ വി​ല്ലേ​ജ് ഓ​ഫീ​സി​ലെ​ത്തി​യ​പ്പോ​ൾ വി​ല്ലേ​ജ് ഓ​ഫീ​സ​ർ കൈ​മ​ല​ർ​ത്തു​ക​യാ​യി​രു​ന്നു.

പ​ണം ഞ​ങ്ങ​ളു​ടെ കൈ​വ​ശം സൂ​ക്ഷി​ക്കാ​ൻ പാ​ടി​ല്ലാ​ത്ത​തി​നാ​ൽ രാ​ത്രി ത​ന്നെ താ​ലൂ​ക്ക് ഓ​ഫീ​സി​ൽ തി​രി​ച്ച​ട​ച്ചു​വെ​ന്ന മ​റു​പ​ടി​യാ​ണു ല​ഭി​ച്ച​ത്.

നി​ങ്ങ​ൾ​ക്കു വേ​ത​നം ല​ഭി​ക്ക​ണ​മെ​ങ്കി​ൽ ഇ​നി തൃ​ശൂ​ർ താ​ലൂ​ക്ക് ഓ​ഫീ​സി​ൽ പോ​ക​ണ​മെ​ന്നും ഓ​ഫി​സ​ർ അ​റി​യി​ച്ചു.

അ​തേ​സ​മ​യം മ​റ്റു വി​ല്ലേ​ജ് ഓ​ഫി​സ​ർ​മാ​ർ പി​റ്റേ ദി​വ​സ​വും പ​ണം ന​ൽ​കി​യി​ട്ടു​ണ്ടെ​ന്ന് ആ​ശാ വ​ർ​ക്ക​ർ​മാ​ർ പ​റ​ഞ്ഞു. 650 രൂ​പ​യാ​ണ് ഒ​രാ​ളു​ടെ വേ​ത​നം.

പ​ഞ്ചാ​യ​ത്ത് പ്ര​സി​ഡ​ന്‍റ് ജ്യോ​തി രാ​മ​ൻ, വൈ​സ് പ്ര​സി​ഡ​ന്‍റ് പ്ര​ദീ​പ് കൊ​ച്ച​ത്ത്, മെ​ന്പ​ർ​മാ​രാ​യ സ​രി​ത സു​രേ​ഷ്, സു​ജി​ത്ത്, മി​നി ച​ന്ദ്ര​ൻ എ​ന്നി​വ​ർ വി​ല്ലേ​ജ് ഓ​ഫി​സി​ലെ​ത്തി പ്ര​തി​ഷേ​ധി​ച്ചു.

അ​തേ​സ​മ​യം പോ​ളിം​ഗ് സ്റ്റേ​ഷ​നി​ൽ എ​ത്തി​യ​പ്പോ​ൾ ആ​ശാ വ​ർ​ക്ക​ർ​മാ​രെ ക​ണ്ടി​ല്ലെ​ന്നും പ​ണം കൈ​വ​ശം വ​യ്ക്കാ​ൻ പാ​ടി​ല്ലാ​ത്ത​തി​നാ​ൽ താ​ലൂ​ക്ക് ഓ​ഫി​സി​ൽ രാ​ത്രി ത​ന്നെ തി​രി​ച്ച​ട​യ്ക്കു​ക​യാ​യി​രു​ന്നു​വെ​ന്നും വി​ല്ലേ​ജ് ഓ​ഫീ​സ​ർ പ​റ​ഞ്ഞു.